ဒါနဲ့ဘဲ ကျတော် ညောင်ရွှေရောက်တုန်း နာမည်ကျော် “Red Mountain Estate Vineyard and Winery” ဝိုင်ခြံ ကိုဝင်ခဲ့ပါတယ် ။အဲ့ဒီနေရာလေးရဲ့ “Sunset” ကနာမည်ကျော်တယ်လေ ။ညောင်ရွှေမြို့ ရဲ့ ညနေခင်းအချိန် လေးနာရီခွဲလောက်ဆိုရင် ညောင်ရွှေမှာရှိတဲ့ ကမ္ဘာလှည့်ခရီးသွား ဧည့်သည်တွေဟာ နေဝင်ချိန်ကို ခံစားကြည့်ရှု့ဖို့အတွက် “Red Mountain Estate” ဝိုင်ခြံလေးမှာ မချိန်းထားပေမယ့် ဆုံလေ့ရှိကြတယ် ။ လေးနာရီခွဲလောက်ဆိုရင် တစ်ယောက်ထဲသော်လည်းကောင်း ၊ ကိုယ့်ရဲ့ခရီးသွားဖော်တွေ အစုအဖွဲ့လေးတွေနဲ့သော် လည်းကောင်း ဝိုင်သောက်တဲ့နေရာလေးကို ရောက်ရှိ နေရာယူလျက်ရှိပါတယ် ။

ကျတော်ကတော့ တောင်ကြီးကသူငယ်ချင်းတွေနဲ့ ဝိုင်ခြံလေးကို ခပ်စောစောရောက်ဖြစ်တယ် သုံးနာရီခွဲလောက်ပေါ့ ။ 

အဲ့ဒါနဲ့ ကျတော်တို့လည်း ဗဟုသုတရရန်အလို့ငှာ ဝိုင်ချက်တဲ့စက်ရုံတွေဘက်ကို လျောက်ပတ်ကြည့်ကြတယ် ။ ဝန်ထမ်းတွေကလည်း စိတ်ရှည်ရှည်နဲ့ သေချာရှင်းပြကြတယ် ။ ဝိုင်ချက်ဖို့ စပျစ်သီးက သတ်သတ်ရှိကြောင်း ၊ ခူးပြီးတဲ့အခါမှာလည်း အပူချိန်အတိအကျနဲ့ထိန်းသိမ်းထားရကြောင်း ၊ သောက်သုံးနိုင်တဲ့အဆင့်ထိရောက်ဖို့အတွက် တစ်နှစ်တန်သည်ဖြစ်စေ၊ နှစ်နှစ်တစ်သည်ဖြစ်စေ ထိန်းသိမ်းထားရကြောင်းလေ့လာသိရှိခဲ့ရပါတယ် ။   

ကိုယ်ပိုင်ကျောင်းတွေ ၊ တက္ကသိုလ်တွေ အတွက် လေ့လာရန် သင့်လျော်တဲ့နေရာလေးဖြစ်တာကြောင့် ကျောင်းသား၊ကျောင်းသူ လေးတွေ တဖွဲဖွဲလာနေကြတာကိုလည်းတွေ့ရပါတယ် ။ ကျောင်းတွေအတွက်လေ့လာရေး လာချင်တယ်ဆိုရင်တော့ “Red Mountain Estate” ရဲ့ဖုန်းနံပါတ် “၀၉ ၂၅၂၈ ၁၉၉၀၀” သို့ဆက်သွယ်စုံစမ်းနိုင်ပါတယ်ခင်ဗျ ။

ဈေးနှုန်းများ

နေဝင်ချိန်ရောက်ရင် လာတဲ့သူများတဲ့အတွက် နေရာထိုင်ခင်းကောင်းကောင်းလိုချင်ရင်တော့ စောစောလေးသွားဖို့လိုပါတယ် ။ ရာသီဥတုအပေါ်မူတည်ပြီး နေဝင်ချိန်ဟာ စောတာ၊နောက်ကျတာ ရှိနိုင်တဲ့အတွက် ညနေလေးနာရီလောက်ထဲက “Red Mountain Estate” restaurant ကိုရောက်နေရင် ကောင်းပါတယ် ။

ဘယ်လိုသွားရမလဲ

ညောင်ရွှေမြို့ထဲက သုံးဘီးငှားသွားမယ်ဆိုရင် ၄၀၀၀/၅၀၀၀ လောက်ကျပါမယ် ။ ၁၅မိနစ် ၊ မိနစ် ၂၀ လောက်ဘဲကြာပါတယ် ။ အပြန်အတွက်လည်း တခါထဲ Booking လုပ်ရင်လုပ် ၊ မလုပ်ရင်လည်း အဲ့ဝင်ပေါက်နားမှာ သုံးဘီးဆိုင်ကယ်သမားတွေရှိပါတယ် ။ စက်ဘီးစီးသွားရင်တော့ အကောင်းဆုံးပေါ့ ။

ရှောင်ရန်

ဆောင်ရန်

နှစ်သောင်းမကျော်တဲ့ ပိုက်ဆံနဲ့ နေဝင်ဆည်းဆာကို အတူကြည့်ဖို့ အဖော်တစ်ယောက်ပေါ့။ ဒုတိယဟာကိုမရှိလို့ ပိုက်ဆံလေးဆောင်ပြီး တစ်ယောက်ထဲသွားလည်းရပါတယ်။ ဘယ်သူမှတော့ ဆွဲမထုတ်ပါဘူး။ စတာပါ။ စတာပါ။