သက်ကြီးစကား သက်ငယ်ကြားသလို သက်ငယ်စကား သက်ကြီးကြားတဲ့အခါများလည်းရှိတတ်တယ်။ သက်ကြီးဝါကြီးတွေရဲ့ အတွေ့အကြုံတွေကို ငယ်ရွယ်သူများအား အမွေပေးဝေလေ့ရှိသင့်သလို ငယ်ရွယ်သူတို့  ရင်းနှီးကျွမ်းဝင်တဲ့ နည်းပညာအသုံးပြုနည်းတွေကို ပြန်လည်ဝေမျှသင့်တယ်။ အဲ့ဒီတော့မှ ပိုပြီး သာယာလှပတဲ့ ကိုင်းကျွန်းမှီ ကျွန်းကိုင်းမှီကမ္ဘာကြီးတခုကို တည်ထောင်နိုင်ပါလိမ့်မယ်။

၂၀၂၀ ရဲ့ ဒုတိယလ၊ ဖေဖော်ဝါရီလ ၈ ရက်နေ့က ဝန်ကြီးများရုံးမှာ ကျင်းပပြုလုပ်တဲ့ "Ancient Treasure from Southern Silk Road Exhibition “ ကို ရှေးခေတ်က လူသားတို့ ထားရစ်ခဲ့တဲ့ ယဉ်ကျေးမှုတွေ၊ နေထိုင်ပုံတွေအကြောင်းလေ့လာရအောင် တက်ရောက်ခဲ့ ပါတယ်။ ဒီပွဲဟာ ဝန်ကြီးများရုံးကိုမရောက်ခင် ဆီဒိုးနားဟိုတယ်မှာ  event တခုအနေနဲ့ ကျင်းပခဲ့ပြီး ရန်ကုန်တိုင်းဝန်ကြီးချုပ် တက် ရောက်ခဲ့ပါတယ်။ (အရင် Articleကို ဖတ်ရှုချင်ရင် အောက်ပါ  here. မှ ဖတ်ရှုနိုင်ပါတယ်။)

ဒီနေ့ဝန်ကြီးများရုံးမှာတော့ "မြန်မာအစ တကောင်းက"ဟူသော အဆိုအတိုင်း မြန်မာပြည်လို့ အခုခေါ်ဝေါ်နေတဲ့နေရာမှာ ပေါ်ထွန်းခဲ့တဲ့ တကောင်းခေတ်ရဲ့အနုပညာပစ္စည်းတွေ ဒါ့အပြင် ခရစ်တော်မပေါ်ခင် ဘီစီခေတ်လောက်က အနုပညာပစ္စည်းတွေကိုလည်း လေ့လာခွင့်ရခဲ့တယ်။ အရင်နှစ်ပေါင်း ၂၇၀၀ကျော် ဝန်းကျင်က အခု မြန်မာနိုင်ငံလို့ခေါ်တွင်တဲ့အရပ်ဒေသမှာ စမုံခေတ်(ဘီစီ ၇၀၀- ဘီစီ၂၀၀) ဆိုတဲ့ ခေတ်တစ်ခေတ်ရှိခဲ့ဖူးကြောင်းကို အဲ့ပွဲမှာ ခင်းကျင်းထားတဲ့ စမုံခေတ်သုံးအိုးခွက်တွေကို ကြည့်ပြီးသိခဲ့ရတယ်။ ဖန်ထည်တွေလည်း တွေ့ရတာကြောင့် ဖန်ချက်လုပ်ငန်းဟာ အဲ့အချိန်ထဲက ထွန်းကားနေကြောင်းသိနိုင်ပါတယ်။

နောက်တော့ တစ်ဖြည်းဖြည်းလက်ရာမြောက်လာတဲ့ ပစ္စည်းတွေကိုကြည့်ခြင်းအားဖြင့် မြန်မာတွေ ယဉ်ကျေးမှု အဆင့်အတန်း မနိမ့်ကြောင်း သက်သေအဖြစ် ခိုင်ခိုင်မာမာတွေ့နိုင်ပါတယ်။ထိုမျှမကသေး တူးဖော်ရရှိတဲ့ လက်ကောက်၊ ဆွဲကြိုးနဲ့ ရှေးဟောင်း ပစ္စည်းတွေက တစ်ဆင့်ယခင်နှစ်များစွာဆီမှ ဒေသဆိုင်ရာ ယုံကြည်မှုရိုးရာလေးတွေကိုလည်းတွေ့နိုင်တယ်။

ဥပမာ ဆင်ရုပ်လေးတွေကို တစ်မြတ်တနိုး ဆွဲကြ၊ ထုလုပ်ကြခြင်းကိုထောက်ရှု၍ ဘီစီခေတ်များစွာက လူတို့၏ကိုးကွယ်ယုံကြည်မှုဟာ ဆင် တွေနဲ့ယှက်နွယ် သက်ဆိုင်ခဲ့ကြောင်းသိနိုင်ပါတယ်။ ထို့အပြင် သေလွန်ပြီးနောက် မိခင်၏ဝမ်းထဲတွင် ကောင်းကောင်း မွန်မွန်ပြန်ဝင်စားနိုင်သော အဆောင်များလည်းတွေ့ခဲ့ရတယ်။ ထို့အတွက်ကြောင့် သမိုင်းအကြောင်းကို နက်နက်နဲနဲစိတ်ဝင်စားလျှင် စာပေတင်မကဘဲ ရှေးဟောင်းပစ္စည်းတွေကိုလည်းလေ့လာသင့်ကြောင်းအတွေးတစ်စရခဲ့ရပါတယ်။

ဒီလိုမျိုး မြန်မာတို့ရဲ့ လူနေမှုပုံစံများကို  မြန်မာ့ကျောက်မျက်ရတနာပညာရှင် Mr.Terry Tan ကနေ အိမ်နီးချင်းနိုင်ငံတွေက ယဉ်ကျေးမှု ပြတိုက်တွေမှာ အလှည့်ကျ ပြသသွားမှာဖြစ်ကြောင်းသိရတယ်။ ဂုဏ်ယူစရာကောင်းပေစွ။သမိုင်းမသေးသော လူမျိုးအဖြစ် အခြားနိုင်ငံ များကြားခေါင်းမော့နိုင်တော့မည် မဟုတ်ပါလား။

အဲ့နေ့ပွဲကို စင်ကာပူသံရုံးအသိုင်းအဝိုင်းများ၊ အစိုးရအရာရှိကြီးများ တက်ရောက်ခဲ့ပြီး ဂျပန်ကုမ္မဏီဖြစ်သော “NIPPON STEAL KOWA REAL ESTATE Company နဲ့  Asia Business Solution တို့က Sponsorship အနေနဲ့ကူညီပေးပါတယ်။  MingalaGo ကတော့  Online Media အနေနဲ့ပါဝင်ကူညီပေးပါတယ်ဗျ။

အဲ့ရက်မှာ ရိုက်ကူးပေးခဲ့တဲ့ Videoလေးကိုပူးတွဲတင်ပေးလိုက်ပါတယ်။ ဒီကိုဗစ်ကြီးပြီးသွားလို့  Event တွေ ပြန် စ ရင် အမှတ်တရဖြစ် အောင် Quality ကောင်းကောင်းနဲ့ မှတ်တမ်းတင်ပေးနေတဲ့ MingalaGo ကို သတိရပါတယ်။

Organized by: Mr. Terry Tan (NGO Saving Myanmar Treasures)
Supported by: Nippon Steel Kowa Real Estate Co., Ltd. (Japan)
Date: 8th Feb 2020
Venue: The Secretariat

အားလုံးပဲ ကျန်းမာပျော်ရွှင်ပြီး သာယာသောနေ့လေးကို ပိုင်ဆိုင်နိုင်ပါစေနော်။